Simba SC Yapata Sare Dhidi ya Al Ahli Tripoli Ugenini

Simba SC Yapata Sare Dhidi ya Al Ahli Tripoli Ugenini, Matumaini Yabaki kwa Mkapa | Katika mechi ya raundi ya pili ya Kombe la Shirikisho la CAF iliyochezwa kwenye Uwanja wa Tripoli, Libya, Simba SC kutoka Tanzania imeweza kupata matokeo ya suluhu (0-0) dhidi ya Al Ahli Tripoli.

Mchezo huo ulivutia mashabiki wengi wa Al Ahli ambao walikuwa wakishangilia kwa nguvu, lakini Simba ilifanikiwa kudhibiti mashambulizi na kumaliza mechi bila kuruhusu bao lolote.

Mchezo ulikuwa wa kasi na ushindani mkali huku timu zote zikishambuliana kwa zamu. Al Ahli Tripoli ilionekana kuwa na makali zaidi kwenye dakika za mwisho, lakini safu ya ulinzi ya Simba, pamoja na juhudi za kipa Aishi Manula, ziliweza kupambana na shinikizo hilo.

Simba SC Yapata Sare Dhidi ya Al Ahli Tripoli Ugenini

Mechi ya marudiano itachezwa Jumapili ijayo, tarehe 22 Septemba 2024, kwenye Uwanja wa Benjamin Mkapa, Dar es Salaam, ambapo Simba SC inatarajia kutumia faida ya uwanja wa nyumbani kuhakikisha inapata ushindi na kusonga mbele kwenye michuano hiyo.

Matokeo haya yanaiweka Simba katika nafasi nzuri ya kufuzu ikiwa itatumia vyema mchezo wa marudiano, huku mashabiki wake wakisubiri kwa hamu kuona timu yao ikifikia hatua ya makundi.

ANGALIA PIA: