USAJILI YANGA Chama JR kutua Jagwani msimu wa 2024/25

USAJILI YANGA Chama JR kutua Jagwani msimu wa 2024/25, Klabu ya Yanga imeripotiwa kumsainisha kiungo Clatous Chota Chama mkataba wa mwaka mmoja baada ya mkataba wa nyota huyo raia wa Zambia kunako Simba SC kufikia ukomo.

Meneja wa habari na mawasiliano wa Simba SC, Ahmed Ally, kupitia Insta Live, amethibitisha kuwa Chama hana mkataba na Wekundu hao wa Msimbazi kwa sasa. Aidha, Ahmed Ally amesema hana uhakika kama Chama ameongeza mkataba mpya au ataondoka.

“Kuanzia Jumatatu tutapata ‘status’ halisi ya Mwamba wa Lusaka. Ikitokea anabaki, itakuwa kwa maslahi mapana ya Simba, na ikitokea anaondoka, itakuwa kwa maslahi mapana ya Simba,” alisema Ahmed Ally.

Mashabiki wa soka wanatarajia kusikia hatima ya kiungo huyo mahiri, ambaye amekuwa na mchango mkubwa katika timu ya Simba SC. Tukio hili linaweza kuwa na athari kubwa kwenye Ligi Kuu ya Tanzania Bara, huku timu za Simba na Yanga zikiendelea kupambana kwa ajili ya ubingwa.