Simba Yashinda Dakika za Jion dhidi ya Mashujaa 1-0 | Goli la Dakika za Mwisho la Steven Mukwala Laiweka Simba Nafasi ya Pili, Vita ya Ubingwa Yazidi Kunoga
Simba Yashinda Dakika za Jion dhidi ya Mashujaa 1-0
Steven Mukwala ameipeleka Simba SC hadi nafasi ya pili katika msimamo wa Ligi Kuu Tanzania Bara baada ya kufunga goli muhimu katika dakika ya 90+7 dhidi ya Mashujaa FC kwenye Uwanja wa Lake Tanganyika, Kigoma. Mukwala alitumia nafasi ya mpira wa kona kuipa Simba ushindi wa alama tatu, na kuiweka Simba katika mbio za ubingwa sambamba na Singida Big Stars, wote wakiwa na pointi 22.
Kwa ushindi huo wa Simba, mbio za ubingwa zimepamba moto, huku Yanga SC ikiendelea kushikilia nafasi ya kwanza kwa pointi 24. Hali hii inazidisha shinikizo na ushindani mkali kati ya timu hizi tatu zinazowania nafasi ya juu katika msimamo.
Mechi zinazokuja zitakuwa muhimu sana katika kuamua mwelekeo wa ligi msimu huu, kwani timu zote tatu zinaonyesha dhamira ya kujinyakulia taji la Ligi Kuu.